ШҚО-да су басу қаупі бар 13 жол учаскесі анықталды
ШҚО-да су тасқыны кезеңінде 13 жол учаскесін су басуы мүмкін.
Өңірде 1 ақпаннан бастап көктемгі кезеңге жоғары дайындық режимі енгізілген болатын, деп хабарлайды Altaynews тілшісі.
Жауапты мамандар жақында мониторинг жүргізіп, облыстық маңызы бар жолдардың су басуы мүмкін учаскелерін анықтаған.
- Су басуы мүмкін жол учаскелерінің негізгі саны Катонқарағай ауданына басым. Атап айтқанда, Үлкен Нарын-Күршім жолының учаскелері, Өскемен – Тарғын – Самар, Омбы – Майқапшағай, Шемонаиха – Секисов, Васильевка – Бозанбай, Тарханка –Топиха, сондай-ақ Алтай-Чапаев, Алтай-Ново – Хайрузов өткелдері. Аталған учаскелердің барлығы ерекше бақылауға алынды, - деді ШҚО жолаушылар көлігі және автомобиль жолдары басқармасының басшысы Нұржан Жұмаділов.
Естеріңізге сала кетейік, ШҚО-да су тасқыны кезінде зардап шегуі мүмкін деген 7 аудан анықталған, оның ішінде Глубокое мен Алтай аудандары басты назарда.
Оқи отырыңыз
