ШҚО полиция департаменті "Арлан" арнайы бөлімшесінің 25 жылдығын атап өтті.

25 жыл ішінде арнайы жасақ қызметі қалыптасу және даму жолынан өтіп, бүгінгі күні жедел міндеттерді табысты жүзеге асырудың маңызды құрамдастарының бірі болып табылады, деп хабарлайды Altyanews тілшісі.

Құрылған күннен бастап "Арлан" арнайы мақсаттағы бөлімшесінің қызметкерлері облыс аумағындағы жедел жағдайлардың алдын алуда баға жетпес үлес қосуда.

Сондай-ақ, «Арлан» бөлімшесінің инспекторлары республикалық деңгейде ғана емес, халықаралық деңгейдегі спорттық турнирлерде де полицияның намысын үнемі қорғап келеді.

Департамент бастығының бұйрығымен қоғамдық тәртіпті қамтамасыз етудегі, құқық қорғаудағы ерекше еңбегі, сондай-ақ үздік нәтижелерге қол жеткізгені үшін бірқатар шығысқазақстандық қызметкерлер марапатталды.