ШҚО әкімінің қабылдауына қалай жазылуға болады?
ШҚО әкімі Ермек Көшербаев жергілікті тұрғындарға өзінің қабылдауына қалай жазылуға болатынын айтты.
Облыс әкімінің айтуынша, қалалар мен аудан әкімдерінің және басқарма басшыларының жеке қабылдаулар жүргізу және келіп түскен өтініштерге жедел ден қою жөніндегі жұмысын жандандырып жатқан көрінеді, деп хабарлайды Altaynews тілшісі.
Облыс әкіміне қабылдауға жазылудың бірнеше тәсілі бар:
https://eotinish.kz/kk сілтемесі арқылы қабылдау платформасының ресми сайты арқылы өтініш жіберу;
8 (7232) 71-31-49,
8 (7232) 71-31-50,
8 (7232) 71-31-23 телефон нөмірлеріне қоңырау шалу,
chancellery@akimvko.gov.kz электронды поштасына сұрақтарыңыздың негізгі мәтінін жолдауға болады.
- Дәл осындай тәсілдермен Сіздер менің орынбасарларыма және аппарат басшысына жазыла аласыздар. Сонымен қатар, айтып өткенімдей, көптеген түйткілді мәселелерді қалалар мен аудандардың әкімдеріне, басқарма басшыларына жүгіну арқылы тікелей жергілікті жерлерде шешуге болады. Қазір біз олардың жеке қабылдаулар жүргізу және келіп түскен өтініштерге жедел ден қою жөніндегі жұмысын жандандырып жатырмыз. Басқармалар мен аудандық әкімдіктердің сайттарында облыс тұрғындары барлық деңгейдегі басшылардың қабылдау кестесімен таныса алады, - деді ол.
Оқи отырыңыз
