Жуырда Өскемен гарнизоны 27943 әскери бөлімінің қызметшісі капитан Рай Оразбеков жасаған Қабанбай батырдың бюсті Сәрсен Аманжолов атындағы ШҚУ-дың әскери кафедрасына тапсырылды, деп хабарлайды Altaynews.kz тілшісі.

Рай Оразбеков – Өскемен гарнизоны оқу-жаттығу полигонының бастығы. Ол бос уақытын шығармашылыққа арнайды. Рай Зайсан қаласында дүниеге келген. Мектепте оқып жүріп мүсін жасаумен шұғалдана бастайды. 
2019 жылы Рай Оразбеков гвардиялық гарнизоннан Өскемен қаласының 27943 әскери бөліміне ауыстырылды. Жаңа қызмет орнында қолбасшылық оған Қасым Қайсеновтің бюстін жасауды ұсынды.
– Бұл өмірімдегі ең қызықты және жауапты сәттердің бірі болды. Бір апта ішінде Қасым Қайсеновтің екі мүсінін жасап шықтым. Әдетте мұндай жұмысқа бір-екі ай уақыт кетеді, – дейді Рай Оразбеков.
Ұлы Отан соғысы батырының бір мүсіні гарнизондағы мұражайғға, екіншісі әскери бөлімнің кіреберісіндегі аллеяға қойылды. Оның тағы бір мүсіндік композициясы Өскемендегі әскери қалашықтың саябағында орнатылған.