ШҚО-да сноубордтан жастар арасында ел чемпионаты басталды
Бүгін Алтай альпісінде сноубордтан ҚР Жастар Чемпионатының ашылуы өтті.
Чемпионатқа еліміздің түкпір-түкпірінен барлығы 50-ден астам адам жиналған, деп хабарлайды Altainews.kz тілшісі.
ШҚО сноубордтан құрама командасының аға жаттықтырушысы Егор Заварзинның айтуынша, екі күнге созылатын байрақты бәсекеде Астана және Алматы қаласынан келген және шығысқазақстандық, спортшылар бақ сынайтын болады.
- Жарысқа жеңіске жету үшін келдім. Көңіл күйім де керемет. Барлық қатысушыларға сәттілік тілеймін, - дейді спортшы Ангелина Клиновская.
Чемпионаттың қорытындысы ертең, 15 наурызда шығарылады. Оқ бойы озық шығып, үздік атанғандар арнайы медальдармен марапатталады.
Оқи отырыңыз
