Азия чемпионатында қазақстандық велошабандоздар 4 жүлде иеленді
instagram/sport_comiteti
Алматы қаласында тас жолдағы велоспорттан Азия чемпионаты өтіп жатыр.
Қазақстандық велошабандоздар 1 алтын, 1 күміс, 2 қола жеңіп алды, деп хабарлайды Altainews.kz тілшісі ҚР Туризм және спорт министрлігі Спортты дамыту дирекциясының баспасөз қызметі ақпаратына сүйеніп.
Ерлер арасындағы жекелей сында Евгений Федоров мәреге 49:46 секундта жетіп, чемпион атанды. Одан кейінгі сатыға тағы бір отандасымыз Дмитрий Груздев (50:20) жайғасты. Үшінші орында жапониялық Юкиа Арасиро (51:20)тұр.
- Азия чемпионатына дайындығым жақсы өтті. Осы аралықта жаттығу жиындарын өткізіп, бабымызға ендік. Ешкім де жарысқа жеңілемін деп келмейді. Бәрімізде де алтын алсақ деген арман бар. Бұл жетістігіме ата-ана, бапкерлерім де, туыстарым да қуанып жатыр, - деді Евгений Федоров.
U23 санатында қатысқан Ақпейіл Өсім 20 км қашықтықты 29:58 уақытта өтсе, ал ересектер арасында бақ сынаған Рината Сұлтанова 29:28 секундта бағындырды. Нәтижесінде бұрымдыларымыз қос қоланы қоржынға салды.
Оқи отырыңыз
