Сенбі күні облыс орталығына Күршім ауданынан жәрмеңке келеді, деп хабарлайды Алтайньюс тілшісі.

Ауылшаруашылық өнімдерінің жәрмеңкесі, әдеттегідей, «Freshmarket» фермерлік гастрономының жанында болады.

Шаруалар ауыл-ауылдан таза әрі арзан өнім әкеледі. Айталық ет, балық, май, сүт өнімдері, күнбағыс майы, бал және көкөніс. Шығыс өңірінде брендке айналған Күршім қарбызы да бұл жәрмеңкенің көркін кіргізері сөзсіз.

Жәрмеңке 6 тамыз күні 8:00-де басталып кетеді.