Жол-көлік оқиғасы 5 қазан күні «Өскемен–Рахман қайнары» тасжолында болды. «Нива» мінген 66 жастағы жүргізуші «Камазға» келіп соғылған, деп хабарлайды Алтайньюс тілшісі.

 – «ВАЗ-2121» автокөлігін мінген жүргізуші жылдамдық режимін және жол қауіпсіздігі ережелерін сақтамағандықтан алдында келе жатқан «КАМАЗ-55111» көлігіне соғылған. Жол-көлік оқиғасының салдарынан жеңіл көлік жүргізушісі сол жерде жан тапсырды. Аталған факті бойынша ҚР ҚК 345 бабы 3 бөлігі бойынша сотқа дейінгі тергеу басталды, – деп мәлімдеді облыстық полиция департаментінің басшысы Сағат Мәдиев.

Полиция ақпаратына сүйенсек, бірқатар сот сараптамалары тағайындалды. Солардың нәтижелері бойынша процессуалдық шешімдер қабылданады.