Енді үйіңізге Қазпоштаның сәлемдемесін «Ақбота» жеткізеді, деп хабарлайды Алтайньюс тілшісі Спутник Қазақстан сайтына сілтеме беріп.

Қазпоштадағылар робот Ақботаның арқасындағы жәшікке хатты немесе затты салып, тұтынушының мекенжайына бағыттап жібереді. Робот жол ережесін жақсы біледі. Шұқанаққа ұрынбай, адамдардың арасымен заулайды.

«Ақбота» жеткен соң, тұқтынушыға хат жібереді. Ал тұтынушы алдын ала білген пароль арқылы жәшікті ашады.

Өткен ғасырда пошташылардың түйемен хат тасығаны мәлім. Ақботаға «Ақбота» есімінің берілуі сондықтан.

Жобаны жасаған Cleverest Technologies компаниясы жуықта роботты сынап көрмек.