Облыста ыстық тамақпен 577 мектеп қамтамасыз етілген. Бұл 88,4 пайызды құрайды. Ал қалған білім мекемелерінің оқушылары буфеттен тамақтанады, деп хабарлайды Алтайньюс тілшісі.

Келесі жылдан бастап Өскемен және Семей қалаларындағы он шақты мектепте кешенді шаралар жүргізіліп, ас әзірлейтін блокпен жабдықталады. Сондай-ақ, балалардың тамақтану сапасы мен жүйесін жақсарта түсу жоспарланып отыр.

Қазір Білім басқармасы осы процессті ұйымдастыруды қолға алатын серіктестер іздестіруде. Шаралар мемлекеттік-жекеменшік серіктестік аясында жүзеге асырылмақ.