Риддерді маңынағы орманда 62 жастағы зейнеткер әйел мен 10 жастағы немересінің адасып кеткені туралы жазған едік. Саңырауқұлақ тереміз деп, жоғалып кеткен екеуі кеше аман-есен табылды, деп хабарлайды Алтайньюс тілшісі.

Зейнеткер мен немересі орманда жол тауып, қаланың жанында орналасқан "Климовка" демалыс базасының тұсынан шыққан екен. Бұларды көріп қалған тұрғындар бірден полиция шақыртыпты.

ШҚО ТЖД ақпараты бойынша, екеуі дін аман, медициналық  жәрдемді қажет етпеген.  Түнді қалай өткізгендері және жолды қалай тауып шыққандары туралы әзірше белгісіз.