Қазақстан Республикасы Мәдениет және спорт министрлігінің ұйымдастыруымен 11-12 тамыз күндері Астана қаласы «Қазанат» атшабарында «Ұлы дала рухы» фестивалінінің шығыс аймақтық іріктеу жарыстары өтті.

12 тамыз күні аударыспақ алыптары сыңға түсті. Жарысқа Алматы, Павлодар, Қарағанды, Шығыс Қазақстан облыстарынан 5 салмақ дәрежесі бойынша 20 спортшы қатысты.

ШҚО спортшылары барлық қарсыластарынан басым түсіп, қыркүйек айында өтетін екінші кезең финалдық ойындарына жолдама алды.

Айта кетер жайт ШҚО құрамына қатысып жүрген 5  спортшы Жарма ауданынан, олар: Сапанов Мадияр Айдынұлы (Қапай батыр ауылы), Қанафин Асхат Қайратұлы (Қапай батыр ауылы), Зарепқанов Алтынбек Адельханұлы (Ортабұлақ ауылы), Жұмабеков Нұрасыл Думанұлы (Бақыршық кенті), Тілеухан Нұртас Советханұлы (Жаңғызтөбе кенті). Бапкерлері Бейсенбаев Дархан Советқалиұлы.