Былтырғы чемпиондар биыл да финалда, деп хабарлайды Алтайньюс тілшісі.

Бірінші тайм толықтай Таи командасының басымдығымен өтті. 10 және 19 нөмірдегі шабуылшылар қытайлықтарды қос қапталдан әбден төмпештеді.

Екінші және үшінші таймда қытайлықтар сәл де болсын қарсылық танытқандай болды. Десе де, "бекінген жау алмай тынбас" дегендей, таилықтардың толассыз шабуылы қарсылас қорғанысын қақыратып жіберді.

Есеп 3:0.

- Финалда, шынын айту керек, жапондықтармен кездескіміз келеді. Себебі, қазақстандық спортшылардың бойының ұзындығы бізге қиындық туғызуы мүмкін. Әлбетте кімнің жеңерін ойын көрсетеді. Финалға жақсылап дайындаламыз. Қазіргі болатын Қазақстан мен Жапон құрамаларының кездесуіне көмекшімді қалдырып кетемін, - дейді Supreme клубының бас бапкері Натапхон Срисамутнак.

Индонезия қыздарының да қарсыласы айқындалды.

Ертең оларды иран қыздары күтеді алаңда. Екі ұжым 5 орын үшін таласады.

Ал жеңілген вьетнамдықтар мен тайбэйліктер 7-8 орындар үшін күш сынасады.