Өскеменнің танталы мен ниобиі медициналық мақсатта қолданылатын болады.  Өңірде медицинаға қажетті құралдар мен жасанды имплантаттар шығарып, өңір өндірісін түбегейлі жаңғыртып, жаңаша, инновациялық бағытта өркендетуге мүмкіндік беретін жоба қолға алынды.         

Шығысқазақстандық ғалымдар бұл істі Астанадағы Травматология және ортопедия ғылыми-зерттеу институтының мамандарымен бірлесіп жүзеге асыруда. Бүгінде бұл жобаны Д.Серікбаев атындағы ШҚМТУ-дың ғылыми-зерттеу және тәжірибелік-конструкторлық жұмыс тобы әзірлеуде.Осы жоба арқылы өңір өнімдері әлемдік нарыққа жол тартпақ. Аталмыш жоба өткен жылы облыста  жүргізілген тәжірибелік-конструкторлық және  ғылыми-зерттеу бағытындағы сегіз жобаның бірі.