Жол көлік оқиғасы кеше кешке Абай даңғылында орын алған. «Toyota » маркалы  автокөліктің жүргізушісі көпірге қарай жүріп бара жатып жаяу жүргіншілерге арналған жолда екі адамды қағып кеткен. Апат салдарынан 1969 жылы туылған ер адам мен 1978 жылғы әйел адам жарақаттар алған.

- Шетелдік автокөлік жүргізушісіне қатысты 610-баптың 2-тармағына сәйкес әкімшілік хаттама толтырылды. – деді ШҚО ІІД баспасөз хатшысы Әйгерім Нұрғазина.- Жүргізушіге  он бес айлық есептiк көрсеткiш мөлшерiнде айыппұл салу  және бiр жыл мерзiмге, көлiк құралын басқару құқығынан айыру  жазасы қолданылады.