Семей қалалық Достық үйінде Орыс әлеуметтік-мәдени орталығы және «Ертіс шамшырақтары» әдеби бірлестігі бірлесіп «Орыс тілі күнін» ұйымдастырды , деп хабарлайды Altaynews.kz тілшісі.
«Іс-шара ауызша журнал түрінде өткізілді. Оған М.О. Әуезов атындағы педагогикалық колледждің студенттері және Семей өңірінің ақындары қатысты», дейді Достық үйінің әдіскері С. Ешімова.
Ауызша журнал 2 беттен тұрды. Біріншісі - «Орыс тілін ұлықтаймын» деп аталса, екіншісі орыс тілі жөнінде қалам қозғаған ақындардың өлеңдеріне арналды. Жиналған тыңдармандарды әдеби бірлестіктің жұмысы қатты қызықтырды. Ақындар барлық сұрақтарға жауап берді.
Ұйымдастырушылар іс-шараны қорытындылай келе, көрермендерге орыс тілінде дұрыс сөйлеуге, нормативтік емес лексиканы пайдаланбай, тілдің классикалық түрінде сөйлеп, шетелдік сөздерді араластырудан аулақ болуға шақырды.
