Солтүстік Ирландияда өткен полиция қызметкерлері мен өрт сөндірушілердің XV Бүкіләлемдік ойындарында дзюдо спортынан біздің облыстың балуаны Асхат Елубаев алтын медаль иеленді, деп хабарлайды Аltaynews.kz тілшісі.
Облыстық ІІД «Арлан» арнайы бөлімінің 25 жастағы инспекторы 90 келіге дейінгі салмақта өнер көрсеткен болатын. Ұзаққа созылған белдесудің нәтижесінде қазақ балуанының басымдығы байқалды. Асхаттың бұл жеңісі отандық дзюдошылардың жүлде қоржынын басты олжамен толықтырып қана қоймай командаластарына рух берді.
Полиция қызметкерлері мен өрт сөндірушілердің XV Бүкіләлемдік ойындары Белфаст қаласында өтіп, дүбірлі додада 70 мемлекеттен 20 мыңнан астам спортшы бақ сынасты.