Өскемен құрылыс колледжінде өндіріс оқытушысы П.Н. Құрмановтың атына арналған облыстық «Үздік дәнекерлеуші» кәсіби шеберлігінің дәстүрлі жарысы өткізілді. Сайыс колледждің 80-жылдық мерейтойына арналды, деп хабарлайды Аltaynews.kz тілшісі.
Семей, Риддер, Зырян қалалары мен Глубокий, Абай, Жарма аудандарынан және басқа облыстардан келген 11 конкурсант кәсіби шеберліктерін көрсетті. Қатысушылардың өнерлерін «ЮКО» ЖШС, «Промтехмотаж» Өскемендік басқармасы» ЖШС, «AES ӨЭЖО» АҚ сияқты кәсіпорындардың өкілдерінен құрылған комиссия бағалады.
Қатысушылар өздерін таныстырған кезде шығармашылық қабілеттерін көрсету мүмкіншілігіне ие болды. Сол сәтте мультимедиялық технологиялар іске қосылып, видеосюжеттер әзірленді.
Ал теориялық тапсырмалар қатысушылардан «Арнайы технологиялар», «Еңбекті қорғау», «Материалтану» пәндерінен терең білімдерін көрсетуді талап етті.
Тәжірибелік тапсырмаларды орындау кезінде, барлық конкурсанттар әр түрлі кеңістіктегі жағдайларда ыдыстарды дәнекерлеу бойынша өз кәсіби білімдері мен дағдыларын көрсетті.
Тартысты өткен сайыста 1- орынды Андрей Решетников, 2-орынды Александр Новиков иеленсе, 3-орын Константин Воровьевке бұйырды.
Сонымен қатар әртүрлі номинациялар бойынша да жеңімпаздар анықталды.
Жарыс қорытындысы бойынша барлық қатысушыларға алғыс хаттар мен грамоталар беріліп, ең үздіктері бағалы жүлделермен марапатталды. Жеңімпаздарғы сыйлықтарды сарапшылық комиссиясының төрағасы, «Промтехмотаж» Өскемендік басқармасы» ЖШС-нің бас дәнекерлеушісі А. Власов тапсырды.