Аягөз ауданының ең шалғай елді мекендерінің бірі Тарлаулыда жеке меншік дәріхана ашылды, деп хабарлайды Аltaynews.kz тілшісі.
Ауылда амбулатория болғанымен, елді дәрі-дәрмекпен қамту жағы ақсап тұрған болатын. Енді міне, кәсіпкер Роза Сарыбаева дәріхана ашып, ауылдастарына үлкен сый жасады. Мұнда дәрі-дәрмектің сан алуан түрі бар. Оның үстіне дәріхана күні-түні жұмыс істейтіні де ерекше маңызды.
Бұдан былай тарлаулылықтармен қатар, көршілес жатқан өзге ауылдардың тұрғындары да осында келіп, қажетті дәрі-дәрмегіне қол жеткізе алады. Дәріханада сатылатын препараттардың бағасы да жұртшылық үшін аса қолайлы.