Зырян ауданындағы Соловьево ауылында жастарға арналған бокс үйірмесі ашылды, деп хабарлайды Аltaynews.kz тілшісі.

Жаттықтырушы жас маман Дамир Кимбаев – бокс өнерінің қыр-сырын еркін меңгерген спортшы.
Бірінші өткізілген жаттығуға мектептен 33 оқушы келіп қатысты. Балалардың спортқа деген құлшыныстары ерекше, жаттығу барысында спортзалдың іші жастарға лық толды.

"Спортзалдың шағындығы жастарымыздың еркін жаттығуына кедергі тудырып тұр. Алайда жас өспірімдерге жаттығу залының тарлығы да тосқауыл емес, олар мұнда күнде жиналып, бос уақыттарын мәнді өткізуге тырысады" дейді бапкер.