«Lamborghini» компаниясы тұтынушыларға тағы да тосын сый жасады. «Tonino Lamborghini» компаниясы сән мен аксессуарлар әлеміне өткен ғасырдың 80 жылдары алғаш рет қадам басты. 2010 жылдан бастап компанияның арнайы бөлімі «Tonino Lamborghini» атты телефондарды құрастырып келеді.

Енді байланыс құралдарының «Spyder Supreme Diamond» үлгілер қатары жарық көрді. Алтын корпуспен қапталып, сал-мағы 7,8 карат алмазбен безендірілген ұялы телефондардың 300 данасы ғана шығарылды. Телефонның артқы қақпағы тот баспайтын болаттан құйылып, алигатордың аппақ терісімен қапталған. Құрылғының экраны әдеттегідей шағылмайтын сапфирден жасалған. Lamborghini белгісі – жоғары сапалы алтын. Жоғарыда айтылған нұсқа 37000 долларға бағаланса, салмағы 2,5 және 5,9 карат тастармен безендірілген үлгілер сәйкесінше $10000 және $16400 тұрады. Бұл құрылғылардың артқы қақпақтары алигатордың қара терісімен қапталған.