Құтқарушылар үйінділердің астынан «Қазақмыс» корпорациясы жұмысшысының денесін алып шықты, деп хабарлады ҚР ТЖМ-нің баспасөз қызметінен.
21 наурыз күні Шығыс Қазақстан облысы, Алтай кентінде орналасқан «Қазақмыс» Корпорациясы» ЖШС-ның Ертіс кенішінде бұрғылау жұмыстарын жүргізу барысында жоғарыдан 150 текше метр көлемде тау кесегі құлады. Салдарынан бұрғылау құралының 25 жастағы машинисі үйіндінің астында қалды. Бейсенбі, 22 наурыз күні ҚР ТЖМ-нің Ертістік құтқарушыларының көмегімен (30 адам мен 3 техника) ер адамның денесі үйінділердің астынан шығарылды.