Қатты аяз түсуіне байланысты Шығыс Қазақстан облысында республикалық және жергілікті маңыздағы үш жол уақытша жабылды. Бородулиха ауданында Төтенже жағдайлар қызметі 2 автокөлік жүргізушісін құтқарды. Алдын ала ескертуге қарамастан олар ақауы бар көлікпен жолға шығып кеткен. Уақытында жеткен көмектің арқасында ғана қайғылы жағдайға жол берілмеді.
Барлық энергоқамту нысандары бүгінде қалыпты режимде жұмыс істеп тұр. Төтенше жағдайлар департаменті баспасөз қызметінің мәліметінше, өңірімізде ешқандай апаттар мен техникалық ақаулар тіркелген жоқ.
Мұрат Тілеубердинов, ШҚО ТЖ департаменті бастығының орынбасары:
- Ауа райының күрт сууына байланысты қызметтік және жеке көлік жүргізушілерінің қала сыртына немесе алыс жолдарға шықпағаны жөн. Кәсіпорын басшылары көліктің техникалық жағдайына назар аударып, қысқы жанармай құйылуын қадағаланы абзал.