Астана қаласында Қазақстан мұсылмандары діни басқармасының жүлдесіне арналған қазақ күресінен өткен Республикалық турнирде семейлік Айбек Нұғымаров 1–ші орынды иеленіп, қажылыққа тегін жолдаманы ұтып алды, деп хабарлайды Алтайньюс тілшісі.

Бұл жарысқа еліміздің әр түкпірінен іріктеліп шыққан ең мықты 39 балуан қатысты. Әрқайсысы боз кілем үстінде намысы мен білек күшін қатар сынға салып, дүбірлі доданың көрігін қыздырды.

Бірінен-бірі айла-тәсілін асыра білген барлық жүлдегерлерді қазақтан шыққан тұңғыш Олимпиада чемпионы Жақсылық Үшкемпіров, қоғам қайраткері Бекболат Тілеухан дүйім халық алдында марапаттады.