Бүгін облыс әкімі Д. Ахметов бокстан Тәуелсіз ҚР бірінші сыртқы істер министрі, Шығыс Қазақстан облысы мен Аягөз ауданының «Құрметті азаматы» Төлеутай Сүлейменовтың жүлдесіне арналған республикалық турнирдің ашылу салтанатына қатысып, жас спортшыларға табыс тіледі, деп хабарлайды Алтайньюс тілшісі.

-Жалпы, біздің Шығыс Қазақстан облысының спорты әлемге әйгілі. Қандай да бір дүниежүзілік сайыстардан біздің өрендер жүлдесіз қайтқан емес. Бұл біздер үшін зор мақтаныш. Аягөзде де кәсіби спорт жақсы жолға қойылған. Бүгінгі еліміздің бірінші сыртқы істер министрі Төлеутай Сүлейменовтың жүлдесі үшін болып жатқан бокс сайысында тек мықты спортшылар жеңіске жетсін деген тілегім бар. Баршаңызға денсаулық, елімізге бейбітшілік тілеймін,-деді облыс басшысы Даниал Ахметов өзінің құттықтау сөзінде.