Елімізде 2019 жылы тегін берілетін дәрі-дәрмектердің 90% сатып алынды. Дәрі-дәрмекті жеткізу мерзімі, көлемі және жоспарланған күні туралы білу үшін 1439-ға қоңыр шалуға болады, деп хабарлайды Алтайньюс тілшісі.

Бұл туралы «СК-Фармация» ЖШС басқармасы төрағасының міндетін атқарушы Берік Шәріп мәлімдеді.

– Келесі аптадан бастап дәрілер емханаларға түсе бастайды. Биыл жалпы сомасы 23 млрд теңгеге есептелген дәрі-дәрмек алынды. Сондықтан тегін дәрі бойынша тапшылық болмайды. Ендігі басты мәселе оның дұрыс жеткізілуі, – дейді Б.Шәріп.

Айта кету керек, тегін дәрілермен қамтамасыз ету бойынша 1439 байланыс орталығы жұмыс істейді. Ол арқылы кез-келген азамат дәрі-дәрмекті жеткізу мерзімі, көлемі және жоспарланған күні туралы ақпаратты ала алады. Сол сияқты SMS жүйесі бар, ол арқылы емделуші тиісті дәріні уақытында алғаны немесе алмағаны туралы ақпарат бере алады.