Синоптиктер 12-13 қаңтар күндері ауа райы қандай болатынын айтты, деп хабарлайды Алтайньюс тілшісі.

Мамандар сөзіне сенсек, күн райы әлі де болса құбылмалы.

– Қазақстанның оңтүстік, оңтүстік-шығыс және шығыс өңірлерінде алдағы тәуліктерде оңтүстік циклонның әсерінен арагідік қар жауып, бұрқасын соғады, батыс бағыттан қатты жел тұрады. Оңтүстікте және шығыста тұман түсіп, көктайғақ болады, – деп хабарлады «Қазгидромет».

Батыс және солтүстік-батыс аймақтарда температураның жоғарылауымен бірге қар жауып, кей жерлерде бұрқасын және қатты екпінді жел соғады.

Еске салайық, «Қазгидромет» мамандары 2019 жылғы қаңтар айы жылы әрі жауын-шашынды болады деп болжаған. Үшінші онкүндіктің басында ғана ауа температурасы айтарлықтай төмендейді.