Бесқарағай Мәдениет үйінің ұйымдастыруымен «Караоке Star» атты музыкалық кеш өтті.

Оған аудан жастары арасынан 6 адам қатысты. Мақсаты - жастардың шығармашылық қабілеттерін арттыру, өнерпаздарды халыққа таныстырып, оларға мәдени демалыс ұйымдастыру. Қатысушылар қазақ және орыс тілінде арнайы ұсынылған әндерді шырқады.

Байқау 2 кезеңнен тұрды: бірінші кезең – финалға іріктеу, екінші кезең – қорытынды әнді орындау.

- Байқауға Мария Грошева, Варвара Сидельникова, Дильназ Назарова, Ақжан Булат, Дильназ Абдрахманова және Камила Казезова атты ауданымыздың жастары қатысты

Сайыс қорытындысы бойынша, 1-орынды Дильназ Назарова, 2-орынды Мария Грошева, 3-орынды Ақжан Булат жеңіп алды, - деп хабарлады Бесқарағай ауданы әкімдігі. 

Барлық қатысушыларға бағалы сыйлықтар табыс етілді. Сондай-ақ көрермендер арасында да ойын ойнатылып, уақыт тиімді өткен. Кештің жалғасы ретінде тұрғындарға арналған дискотекасы болды.