Ерлік пе, жұмыс па? Ішкі істер министрі Ержан Сәденов Орталық коммуникациялар қызметінің подкастында Алматы әуежайында және Петропавлда көшеде болған құқық бұзушыларды қарусыздандыру жағдайларына қатысты түсініктеме берді.

Ішкі істер министрі Алматы әуежайында әйелді кепілге алу бойынша қылмыстық процесс жалғасып жатқанын атап өтті. Сондай-ақ полиция қызметкерлерінің іс-әрекеттеріне қатысты тексеру жүргізіліп жатыр.

Ал Петропавлда Ұлттық ұлан қызметкері көшеде тапаншамен тұрғындарды қорқытқан адамды қарусыздандырған жағдайға тоқтала келе, ІІМ басшысы мұндай ерлік күн сайын жасалатынын айтты.

Естеріңізге сала кетейік, Алматы әуежайында әйелді кепілге алу фактісі бойынша тергеу Қылмыстық кодекстің үш бабы бойынша жүріп жатыр. Күдікті қамауға алынып, тергеу оқшаулағышына қамалды.