1974 жылы салынған ғимараттың реконструкциясы биылғы қыркүйекте басталды, деп хабарлайды Altainews.kz тілшісі.

Жобаның мақсаты – халықтың мәдени қажеттіліктерін қанағаттандырып, шығармашылықты дамыту, сондай-ақ концерттер мен көркемдік үйірмелер ұйымдастыру арқылы қаланың мәдени өмірін жақсарту. 

Жаңа мәдени-демалыс мекемесі қаланың мәдени өмірін балалар, жастар және ересектер үшін қолжетімді етеді. Бұл сондай-ақ өмір сүру сапасын арттырып, елді мекенге жаңа мамандарды, әсіресе медицина, білім және мәдениет салаларында тартуға ықпал етеді.

Нысанда халыққа қызмет көрсету орталығы (ХҚО), құжаттама бөлімі, көші-қон қызметі және демалыс ұйымдары, соның ішінде спорттық және хореографиялық шаралар үшін арналған бөлімдер қарастырылған.

Жобада дайындық жұмыстары, бұзу, құрылыс жұмыстарын жүргізу, инженерлік желілерді жүргізу, лифт және мүгедектер үшін көтергіш орнату көзделген. Ғимарат қажетті заманауи жабдықпен жабдықталады.

Бұл жергілікті тұрғындар үшін өмір сапасын арттырып, жаңа мамандарды тартуға ықпал етеді. Жұмыстардың аяқталуы келесі жылға жоспарланған.