Өскемен қаласында өткен Республика күніне арналған мерекелік шарада оқушылар мен жастар Мемлекеттік әнұранды ерекше толғаныспен орындады, деп хабарлайды Altainews.kz тілшісі.

Сахнаға Өскеменнің белсенді оқушылар ұжымдары – «Шабыт», «Краш» және «Камертон» ансамбльдері шығып, өнерлерін көрсетті. Оларға ШҚО Полиция департаментінің қызметкерлері қосылып, барша халықты Мемлекеттік әнұранды бірге орындауға шақырды. Бұл патриоттық бастама мерекенің рухын көтеріп, көрермендерге ерекше әсер сыйлады. 

Мемлекеттік әнұранды орындау барысында оқушылар мен жастардың бойынан елге деген сүйіспеншілік пен мақтаныш айқын көрінді.