19 қаңтардан бастап Өскемен қаласы әкімдігінің сайтында «Халық қатысатын бюджет» бағдарламасына өтінім қабылдау басталады.

Қала тұрғындарынан 2025 жылға арналған жобалық ұсыныстарды жинау ағымдағы жылдың 1 наурызына дейін жалғаспақ, деп хабарлайды Altaynews.kz тілшісі.

"Халыққа қатысатын бюджет" бағдарламасы аясында төмендегі жұмыстар атқарылады:

• аумақты көгалдандыру;
• тротуарлар салу;
• тротуарларды, пандустарды жөндеу;
• жалпыға ортақ орындарда (саябақтар, скверлер, жаяу жүргіншілер аймағы, көшелер және өзге де объектілер) құру, жөндеу және жарықтандыру;
• бордюрлерді, төсеніштерді жөндеу;
• балалар ойындарына және жалпы пайдаланылатын орындарда демалуға арналған беседкаларды, орындықтарды, қоқыс жәшіктерін, жабдықтар мен құрылымдарды орнату және жөндеу;
• аула аумақтарында және жалпы орындарда спорттық, балалар ойын алаңдарын орнату, жөндеу және жарықтандыру;

Айта кету керек, аталған жұмыстарға жол жөндеу, шұңқырларды жамау жұмыстары кірмейді.