Елімізде ақылы мектептерде білім алу үшін ата-аналар төлейтін төлемақы мөлшері 2 есе қысқартылмақ.

Бұған дейін бастауыш, негізгі орта және жалпы орта білім беретін жекеменшік ұйымдарға ата-аналар төлейтін төлемақы 1 200 АЕК-ті құрайтын, деп хабарлайды Altaynews Қазақпарат агенттігіне сілтеме жасап.

Мемлекеттік білім беру тапсырысын алатын жекеменшік орта білім беру ұйымдарындағы оқуға ата-ана төлемақысының шекті мөлшеріне білім алушылардың тұру (интернаттық ұйымдар), оларды жекеменшік орта білім беру ұйымына жеткізу және (немесе) кері қарай тасымалдау, мемлекеттік жалпыға міндетті білім беру стандарттарынан тыс қосымша білім беру қызметтері мен білім беру, сондай-ақ ерікті түрде жүзеге асырылатын білім алушылардың тамақтануы үшін төлемақы қосылмайды.

Айта кетейік, бұған дейін бастауыш, негізгі орта және жалпы орта білім беретін жекеменшік ұйымдардаға ата-аналардың төлемақысы 1 200 АЕК-ті, ал Халықаралық бакалавриат ұйымында авторландырудан немесе халықаралық институционалдық аккредиттеуден өткен дербес әзірленген интеграцияланған білім беру бағдарламаларын іске асыратын жекеменшік ұйымдарда 2 400 АЕК-ті құраған болатын.

Елімізде 1 АЕК 3 450 теңгені құрайды.