«Торпедоның» 2023-24 жылдарғы 1хBet Pro hokei Ligasy плей-офф кезеңі аясындағы алғашқы қарсыласы белгілі болды.

Жеребеге сәйкес, біздің жігіттерге «Ақтөбе» хоккейшілері қарсылас атанады, деп хабарлайды Altainews.kz тілшісі.

Командалар арасындағы ширекфиналдық алғашқы кездесу ертең, 21 ақпан күні Өскемендегі Борис Александров атындағы Спорт сарайында өтуі керек. Бұл ойын кешкі сағат 18.30-да басталады.

Еске салайық, «Торпедо» мен «Ақтөбе» арасындағы соңғы кездесу биылғы 12 қаңтар күні өткен болатын. Жарыстың тұрақты чемпионаты аясында ойналған сол ойында жерлестеріміз 5:3 есебімен жеңіске жеткен еді.

 Айта кетейік, биылғы тұрақты чемпионатты «торпедолықтар» төртінші, ал ақтөбеліктер бесінші орынмен аяқтаған.