ТЖД ескертеді: өрт қауіпсіздігі – өз қауіпсіздігің
Фото: highlevel.kz
ШҚО-да жылыту маусымы басталғалы бері улы газдың салдарынан 27 адам зардап шегіп, 3 адам қаза тапты.
Қайғылы оқиғалар көп жағдайда тазартылмаған түтін және пеш қабырғасының күйімі, пештегі жарықтар салдарынан болған, деп хабарлайды Altainews.kz тілшісі.
ШҚО ТЖД Мемлекеттік өрт бақылау басқармасының мамандары атап өткендей, тыныс алу кезінде улы газ ағзаға кіріп, өкпеден қан айналым жүйесіне өтеді, онда гемоглобинмен қосылады. Ол оттегіге қарағанда 200-300 есе мықты болады. Нәтижесінде қан оттегіні тасымалдау және оны ұлпаларға жеткізу қабілетін жоғалтады, салдарынан бірінші кезекте ми, сондай-ақ уланудың клиникалық көрінісінің дамуына қарай басқа да органдар зардап шегеді.
Рейд кезінде әрбір бесінші үйде бұзушылықтар анықталған. Мысалы, пештің мұржасы уақытында тазаланбаған, оттық алдындағы металл парақтар болмаған, пештер жарылған.
Мамандар «ескерту жұмыстары жүргізілгеніне қарамастан, тұрғындар үйлердің қауіпсіздігі тек өздерінің мойнында екенін сезінуге тиіс» дейді. Әр үйдің иесі өзінің мұржасын тазалап, пештегі жарықтар мен саңылауларды жауып, жарқыраған розеткаларды, сымдардағы бұрамаларды жойып, тұрғын үйді өртке қауіпсіз жағдайға келтіруі керек. Әйтпесе жағдай түзелмейді.