KZ
Өскемен
+12°
небольшая облачность жел 4 м/с, ОШ
447.89 476.78 4.79

Зайсандық жас спортшылар гір көтеруден жеңіспен оралды

18.03.2024, 14:24 341 Қызырбек Дүргінбайұлы

Зайсан ауданының қос спортшысы гір көтеруден Қазақстан Республикасы іріктеу чемпионатынан жүлдемен оралды.

Гір көтеруден жастар арасындағы чемпионат 7-10 наурыз аралығында Тараз қаласында өтті, деп хабарлайды Altainews.kz тілшісі.

Зайсандық спортшылардың бірі 16 кг гір тасын 223 рет жұлқа көтеріп 3-орын иеленсе, тағы бірі 24 кг гір тасын 104 рет серпе көтеріп 3-орын алып отыр.

– 2008 жылы туған жасөспірімдер арасындағы іріктеу чемпионатында Есен Қайратұлы 63 кг салмақ дәрежесінде 16 кг гір тасын 223 рет жұлқа көтеріп 3-орын алды Ал 2006-2007 жылы туған жасөспірімдер арасында Жанарыс Қайратов 68 кг салмақта 24 кг гір тасын 104 рет серпе көтеріп 3-орын иеленді. Екі спортшымыз - «Зайсан ауданының балалар мен жасөспірімдер спорт мектебінің» шәкірттері, – деп сүйіншілі жаңалығымен бөлісті аудан әкімдігі.


Суреттер аудан әкімдігінің әлеуметтік желідегі парақшасынан алынды

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив