Жалған хаттамалар толтырып келген полицей сотталды
Фото: depositphotos.com
Өскемен қаласында жалған хаттамалар толтырып келген полиция қызметкері сотталды, деп хабарлайды Altainews.kz тілшісі Kazinform агенттігіне сілтеме жасап.
Қалалық №2 соты баспасөз қызметінің мәліметіне сүйенсек, тәртіп сақшысына ҚР ҚК-нің 416-бабы 2-бөлігіне қатысты қылмыстық іс қаралған.
– Анықталғандай, Өскемен қалалық ПБ патрульдік полиция батальонының инспекторы болып жұмыс істеген айыпталушы өзінің қызметтік бабын пайдалана отырып, 2023 жылдың 20 қаңтары мен 5 ақпаны аралығында жалған хаттамалар толтырып келген. Атап айтқанда, қоғамдық орында мас күйде жүру туралы 2, қоғамдық орында тиісу туралы 1 хаттама толтырған, – делінген ақпаратта.
Осылай қызметтік көрсеткішін жақсартуды көздеген полицей сот барысында өз кінәсін толықтай мойындады.
– Сот шешімімен 3 жыл мерзімге мемлекеттік қызметте лауазымдарды атқару құқығынан айырылған сотталушы 400 АЕК (1 380 000 теңге) көлемінде айыппұл төлеуге міндеттелді. Үкім әлі заңды күшіне енген жоқ, – делінген хабарламада.
Оқи отырыңыз
Өскеменде жыл бойы жалған хаттамалар толтырып келген патрульдік полицей сотталдыӨскеменде "жарылғыш зат" туралы ақпарат берген адам сот үкім шығардыӨскеменде пара алған полицей 3 жыл 6 айға сотталдыФотошоппен түрін келтіріп, полицей боп жүрген семейлік тұрғын ұсталды ШҚО-да оқушылардың 1,5 миллион теңгесін «алып қойған» есепші сотталды
