«Қазгидромет» РМК ШҚО бойынша филиалының мәліметінше, 2 желтоқсанда облыстың солтүстігінде, шығысында және оңтүстігінде тұман мен көктайғақ күтіледі. Оңтүстік-шығыстан соғатын жел солтүстік-батысқа ауысып, түнде облыстың солтүстігінде желдің жылдамдығы 15-18 м/с-қа жетеді.  

Қауіпсіздік шаралары:  
- Жел күшейген жағдайда мүмкіндігінше ғимарат ішіне жасырыныңыз.  
- Жел кезінде үй қабырғаларының, аялдамалардың, жарнама тақтайшаларының және ағаштардың астында тұрудан аулақ болыңыз.  
- Үзілген электр сымдары мен құлап кетуі мүмкін заттарға жақындамаңыз.  
- Көлігіңізді ескі, шіріген және жалғыз тұрған ағаштардың жанында қалдырмаңыз.  

Автокөлік жүргізушілері жылдамдықты қатаң сақтап, жолда аса мұқият болуы керек. Жаяу жүргіншілер көктайғақта жарақат алмау үшін арнайы қауіпсіздік шараларын қолданғаны жөн.  

Төтенше жағдайлар туындаған жағдайда, бірден «112» нөміріне хабарласыңыз.  

Ауа райы болжамына назар аударып, қауіпсіздігіңізді қамтамасыз етіңіз!