Ұлан ауданында сыбайлас жемқорлыққа қарсы стандарт бекітілді
Шығыс Қазақстан облыстық мәслихатының кезекті XIX сессиясында Ұлан ауданында «Сыбайлас жемқорлыққа қарсы іс-қимыл туралы» Қазақстан Республикасының Заңын іске асыру барысы талқыланды. Сессия барысында аудан әкімі Арман Бекбосынов әкімдік тарапынан 2024 жылға арналған Сыбайлас жемқорлыққа қарсы іс-қимыл жөніндегі ведомствоаралық комиссия отырыстарының жоспары бекітілгенін жеткізді.
Ұлан ауданында бұқаралық ақпарат құралдарында сыбайлас жемқорлыққа қарсы мәдениетті қалыптастыру және сыбайлас жемқорлық көріністеріне мүлдем төзбеушілікті нығайту мақсатында сыбайлас жемқорлыққа қарсы мазмұндағы 21 түпнұсқа мақала жарияланған.
Сондай-ақ, аудан әкімдігінің ресми сайттарында сыбайлас жемқорлыққа қарсы мазмұндағы 17 мақала жарияланып, оның ішінде 11 мақала ауылдық округтер әкімдерінің, аудан әкімі аппаратының 6 құрылымдық бөлімшелерінің сайттарында орналастырылған.
Қасым Қайсенова кентінде «Сыбайлас жемқорлыққа қарсы мобильді топ» жобасы аясында салалық қызметтің облыс бойынша департаментімен бірлесе отырып, мемлекеттік органдардың өкілдері ауылдық округтерде азаматтарды қабылдау жүргізген.
Маусым айында Ұлан аудандық «Қоғамдық келісім орталығында» ішкі саясат бөлімі Ұлан ауданының этномәдени бірлестіктерінің өкілдерімен адалдық құндылықтарын және сыбайлас жемқорлыққа қарсы мінез-құлықты насихаттау мақсатында дөңгелек үстел форматында іс-шара өткізілді.
Әкімдіктің «ASHYQAKIMDIK» сервистік платформасы жұмыс істейді. Бүгінде Ұлан ауданында 4 қызмет көрсету орталығы бар, - деді Арман Бекбосынов.
Ұлан ауданында мемлекеттік қызметшілер үшін сыбайлас жемқорлыққа қарсы мәдениетті қалыптастыруға, сондай-ақ олардың сыбайлас жемқорлыққа қарсы шектеулерді және Әдеп кодексі қағидаттарын сақтауын қамтамасыз етуге бағытталған Сыбайлас жемқорлыққа қарсы стандарт бекітілді. Ауданның жергілікті атқарушы органдары жыл сайын сыбайлас жемқорлық тәуекелдеріне ішкі талдау жүргізеді. Талдауларды тек мемлекеттік қызметкерлер ғана емес, сонымен қатар қоғам өкілдері, сондай-ақ TНБ-4 (типтік негізгі бағыт) жобалық кеңсесінің басшысы кіретін мекемелердің жұмыс топтары жүргізеді. Талдау нәтижелері бойынша сыбайлас жемқорлық құқық бұзушылықтар жасауға ықпал ететін себептер мен жағдайларды жою жоспары әзірленеді. 2024 жылдың шілде айында Ұлан ауданының мемлекеттік органдарында және квазимемлекеттік секторында сыбайлас жемқорлық тәуекелдеріне ішкі талдау жүргізілді. Ішкі талдау нәтижелері бойынша мемлекеттік органдарда 9 сыбайлас жемқорлық тәуекелі анықталды, оның 7-і жойылды, 2 тәуекел әлі де жұмыс аясында.
