Өскеменде химиялық қауіпті заттар бар нысанда апатты жою бойынша оқу-жаттығу өткізілді.  

Жаттығу сценарийі бойынша «Өскемен ет-консерві зауытында» улы заттың ағу қаупі туындаған. Бұл жағдай кәсіпорын қызметкерлерінің улану қаупін арттырды.  

Нысан қызметкерлері газқағарлар мен қорғаныс костюмдерін киіп, қауіп аймағынан эвакуацияланды. Апаттық-құтқару тобы қауіпті газдың таралуына жол бермеу үшін шұғыл шаралар қабылдады. Санитарлық жасақ зардап шеккендерді іздеп, оларға алғашқы медициналық көмек көрсетті.  

Өрт сөндіру бөлімшелері арнайы техника көмегімен өрт гидранттарына автоцистерналар орнатып, аумақты бүрку жұмыстарын жүргізді. Сонымен қатар, бақылау және зертханалық бақылау қызметі химиялық ластану аймағын анықтау үшін өлшеулер жүргізді.  

 ШҚО ТЖД баспасөз қызметі