Шығыс Қазақстан облысы Алтай ауданында Қазақстан Республикасы Төтенше жағдайлар министрлігінің 68303 әскери бөлімінің қызметкерлері қардан тазарту жұмыстарын жүргізуде. Олар қол жетуі қиын аймақтардағы арықтар мен су өткізу құрылыстарын тазартып, еріген судың кедергісіз ағуын қамтамасыз етуде, деп хабарлайды Altainews.kz тілшісі.  

Төтенше жағдайлардың алдын алу мақсатында Алтай қаласында, Зубовск кенті мен Тұрғысын ауылында 3 035 метр арық жүйесі, 40 метр көпір, 14 су өткізу құрылғысы қардан тазартылды.  

Сонымен қатар, әскери қызметкерлер 200-ден астам қапты инертті материалмен толтырды.