Тәуелсіздік – қас­тер­лі ұғым. Ол – қасиетті қазақ халқының бостандыққа ұмтылған асқақ армандары мен қайсар рухының жемісі. Биыл еліміз арайлы азаттығының отыз екінші жылына қадам басып отыр.

Сол жылы дүниеге келген арманы асқақ, өресі биік ұл мен қызда қазір 32 жасқа келді. Олар бүгінде бір-бір саланы тізгіндеп, қатарының алды атанып, өңірдің дамуына өзіндік үлестерін қосып келеді. Ел тыныштығына жауап беретін құқық қорғау органдары қызметкерлерінің арасында да тәуелсіз елдің құрдастары бар.

Тәуелсіздік құрдастары елмен бірге өсіп, қатарластарымен бірге өркендеп келе жатқанын мақтан тұтары сөзсіз. 32 жыл бұрын ел тәуелсіздігін алар тарихи шақта дүние есігін ашқандардың бірі - Өскемен қалалық полиция басқармасында қызмет ететін Диана Абылғазина. Тәуелсіздік құрдасы өзіне жүктелген жауапкершілік пен мойындарындағы міндеттің салмағын да, сырын да жақсы түсінеді.

Диана Абылғазина 1991 жылы 1 желтоқсанда Көкпекті ауылына қарасты Жаңа жол ауылында дүниеге келген. 2015 жылдан құқық қорғау органдарында қызмет етуде.

Бүгінде Өскемен қалалық полиция басқармасында қызмет ететін Диана Ержанқызы қызмет барысында өмірлік жарын кездестіргенін айтады. Қазіргі таңда полицейлер отбасы бір ұл тәрбиелеп отыр.

Ісіне тыңғылықты, адамдармен оңай тіл табысатын ол өз участогында құрметке бөленген.