Қаржы нарығын реттеу және дамыту агенттігі мәжілісмендердің азаматтардың коллекторларға берешегін сатуға мораторий енгізу идеясын қолдады, бірақ мұндай мәмілелерге толық тыйым салуды әзірге қажет деп санамайды. Бұл туралы ҚР Қаржы нарығын реттеу және дамыту агенттігінің төрағасы  Мәдина Әбілқасымова айтты, деп хабарлайды Altainews.kz тілшісі Informburo.kz сайтына сілтеме жасап.

Оған депутат Никита Шаталов ұсыныспен шығып, жыл басында коллекторлық агенттіктердің қоржынында 890 мың қарыз алушының 382 миллиард теңгеге қарызы бар екенін атап өтті. Шаталов депутаттардың коллекторларға берешекті сатуға толық тыйым салуды ұсынғанын еске салды.

Алайда Үкімет оның орнына мұндай қарыздарды берешек болған күннен бастап 24 ай мерзімге ғана сатуға тыйым салуды ұсынды. Депутаттар бұл мәмілелерге 2026 жылға дейін мораторий енгізуді ұсынды.

Әбілқасымова соңғы жылдары коллекторлардың борыштық портфелінің көлемі шынымен де айтарлықтай өсіп, қазір 891 мың адамның несиесі бойынша 359 миллиард теңгені құрайтынын атап өтті. Сонымен қатар, банктер мен микроқаржы ұйымдарының өздерінің баланстарында проблемалық қарыздар бар. Қаржы реттеушісі басшысының айтуынша, проблемалық қарыздың ерекше өсуі микроқаржы ұйымдарынан онлайн несие алу секторында байқалады.

Ол қажет болған жағдайда коллекторларға несие сатуды қатаңдату үшін қосымша шаралар қарастырылуы мүмкін екенін айтты.

                                                                     Айжанат Бақытқызы