ҚР Денсаулық сақтау министрлігінің Курортология және медициналық оңалту ҒЗИ-дің көмегі шеңберінде су тасқынынан зардап шеккен азаматтарды тегін қабылдайтын 16 санаторийлік-курорттық ұйым айқындалды, деп хабарлайды Altainews.kz тілшісі.

Қазақстан Республикасы Денсаулық сақтау министрлігінің ақпараты бойынша,  оның 12-сі Түркістан облысында орналасқан. Сондай-ақ, зардап шеккендерді қабылдауға дайындығы туралы Бурабай, Семей, Алматы және Ақтөбе облыстарының санаторийлері мәлімдеді.

Бұл нысандар бір мезгілде 190 адамды қабылдай алады, оңалту курсы 10 күннен 14 күнге дейін болады.

ҚР Денсаулық сақтау министрлігінің Курортология және медициналық оңалту ҒЗИ жергілікті атқарушы органдарға санаторийлерде дереу орналастыру қажет адамдардың тізімін ұсыну қажеттігін хабарлады.