ҚР санитариялық-эпидемиологиялық қызметі Дели-Алматы бағыты бойынша Air Astana авиакомпаниясы рейсінің бортында тіркелген, әкелінген тырысқақ жағдайы ошағын жойды, деп хабарлайды Altainews.kz тілшісі.
 
ҚР Денсаулық сақтау министрлігі баспасөз қызметінің ақпараты бойынша, санитариялық-эпидемиологиялық қызмет мамандарының жедел іс-қимылдары ел ішінде тырысқақтың таралуын болдырмай, инфекцияны уақтылы анықтауға және оқшаулауға мүмкіндік берді.
 
Байланыста болған адамдардың зертханалық зерттеулерінің нәтижелері - теріс, 154 адамнан медициналық бақылау алынып тасталды.
 

Денсаулық сақтау министрлігі қатаң кеңес береді:
 
•⁠  ⁠Тек қайнатылған немесе бөтелкедегі суды ішу;
 
•⁠  ⁠Сусындарды салқындату үшін мұзды пайдаланбау;
 
•⁠  ⁠Тұтынар алдында өнімдерді тиісті термиялық өңдеуден өткізу;
 
•⁠  ⁠Жемістер мен көкөністерді тек қайнатылған немесе бөтелкедегі сумен жуу.
 
•⁠  ⁠Қол гигиенасын сақтау, тамақтанар алдында және дәретханаға барғаннан кейін қолды сабынмен жуу;
 
•⁠  ⁠Судың ауызға кетуіне жол бермей, тек рұқсат етілген су айдындарында шомылу.
 
•⁠  ⁠Аурудың алғашқы белгілері пайда болған кезде өзін-өзі емдеуден аулақ болып, дереу медициналық көмекке жүгіну.