Жұқпалы аурудың алдын алу жолдары туралы айтылды
Фото: depositphotos.com
Облыстық санитариялық-эпидемиологиялық бақылау департаментінің мамандары құтырма ауруының алдын алу шаралары туралы айтты, деп хабарлайды Altainews.kz тілшісі.
Құтырма – жануардың сілекейі арқылы таралатын, жүйке жүйесіне қатты зақым келтіретін ауру. Бұл ауру тіпті адам өліміне алып келуі мүмкін. Ел аумағында бұл аурудың екі түрлі ошағы кездеседі: табиғи және антропургиялық.
–Жарақат алған жағдайда, жараны сабынмен, кем дегенде, 15-20 минут бойы жуу керек. 70% спиртпен немесе 5% йод тұнбасымен тазалап, құтырмаға қарсы иммундау тегін жүргізілетін медициналық мекемеге мүмкіндігінше ертерек жүгіну қажет. Егер оған мүмкіндік болмаса, шұғыл түрде антирабиялық көмек көрсететін медициналық мекемеге барған жөн, - деді облыстық санитариялық-эпидемиологиялық бақылау департаментінің басшысы Қанат Тұрдиев.
Мұндай мекемелердің тізімі мен мекенжайларын департаменттің ресми сайтынан білуіңізге болады. Естеріңізге сала кетелік, антирабиялық көмек тегін көрсетіледі.
Оқи отырыңыз