Душанбеде өткен 12 жасқа дейінгі балалар арасындағы 12U Team Competition-Supported by KTF турнирінің Орталық Азия аймағы бойынша іріктеу жарысы өз мәресіне жетті, деп хабарлайды Altainews.kz тілшісі.

Бұл турнирде ел намысын қорғаған спортшылар Темірлан Жантеміров, Ярослав Бобров, Лев Югай, капитан Руслан Арепринцев; Айым Қанағатова, Әдемі Әлсейпулова, Медина Алагөзова, капитан Зарина Жұмаджанова.

Теннисші ұл-қыздарымыз Өзбекстан, Қырғызстан, Түркіменстан, Тәжікстан командаларымен төрт мачт өткізіп, барлығында жеңіске жетті.

Жарыс қорытындысы бойынша, қос құрама биыл күзде Шымкентте өтетін командалық Азия чемпионатының финалдық кезеңіне жолдама алды.

Ақмарал Мұхтарбекова