Халықаралық альянс сарапшылары Қазақстанның бұрынғы уақыт белдеуіне оралу туралы шешімін қолдады, деп хабарлайды Altainews.kz тілшісі madeniportal.kz сайтына сілтеме жасап.

«Уақытты қайтару» петициясын қарау жөніндегі жұмыс тобы мүшелерінің бірі Халықаралық табиғи уақыт альянсы (IANT) хронобиология докторы, философия ғылымдарының докторы, Мюнхен университетінің аға ғылыми қызметкері, Еуропалық биологиялық ырғақтар қоғамының, Хронобиология қоғамдарының бүкіләлемдік федерациясының және Еуропалық ұйқы зерттеу қоғамының мүшесі Тилль Роённберг, философия ғылымдарының докторы, Лиссабон университетінің профилактикалық медицина профессоры Кейт Рейс, философия ғылымдарының докторы, Вашингтон университетінің зертхана директоры Эрик Херцог қол қойған үндеуді ұсынды.

IANT үндеуін жұмыс тобының мүшесі Болат Нұрғожаев петиция талқылауы кезінде оқыды.

Сарапшылардың айтуынша, табиғи стандартты уақытты қолдану азаматтардың физикалық және психикалық денсаулығын жақсартуға, ұйқы сапасын арттыруға және жұмыс қабілетін жоғарылатуға оң әсер етеді.