Бұл туралы бүгін облыс әкімі Даниал Ахметов мәлімдеді. Таяуда жылу орталығының жөндеу жұмыстарымен айналысатын барлық мердігер ұйымдармен алғашқы кеңес өткен болатын.

Әрбір агрегат бойынша жұмыстардың тізбесі, көлемі және олардың орындалуы қадағаланатын нақты кесте жасалады. Жұмыс үш ауысымда, демалыссыз жүргізіледі, деп хабарлайды Altaynews тілшісі.

Сонымен қатар жылу орталығын толық зерттеп шыққан ұйым ұзын саны 25 апатты жерлерді тапқан, бүгіннен бастап компания оларды қалпына келтіруді бастайды.

Жазғы кезеңде ЖЭО-да барлық алты қазандық пен бірнеше турбинаға толық жөндеу жүргізіледі. Ол үшін 12 мердігер ұйыммен шарт жасалды. Бұдан бөлек, станцияның қоршауы мен жылу орталығының желдету жүйесі де жөнделеді.

Жөндеу жұмыстарының аяқталу мерзімі белгіленген, 15 қыркүйекке дейін "Риддер ЖЭО" жаңа жылыту маусымына толығымен дайын болуы тиіс.

Жөндеу аяқталғаннан кейін станция өндіретін электр энергиясының көлемі 40 мегаватқа дейін артады деп күтілуде, бұл қала тұрғындары үшін тарифтік саясатқа да әсер етпек.