Мемлекет Басшысы Қасым-Жомарт Тоқаевтың тапсырмасына сәйкес 2020 жылдан бастап 260 млрд. теңгелік қаржыландырумен Семей қаласының 2025 жылға дейінгі әлеуметтік-экономикалық дамуының кешенді жоспары іске асырылуда. Бұл туралы ШҚО әкімі Даниал Ахметов ҚР Президенті жанындағы Орталық коммуникациялар қызметі алаңында өткен брифинг барысында мәлімдеді.

- Семей қаласында онкологиялық диспансердің Қазақстандағы алғашқы радионуклидтік терапия бөлімшесі бар ядролық медицина орталығы және көпфункционалды мәдени-спорт кешені сияқты маңызды жобалар іске асырылды, - деді ШҚО әкімі Даниал Ахметов ОКҚ баспасөз конференциясында.

Сөз соңында өңір басшысы автожол көпірін, «Орталық» және «Ғаббасов» қазандықтарын қайта жаңарту басталғанын, сондай-ақ Семей қаласын айналып өтетін автожолдың құрылысы бойынша құжаттама дайындалғанын айтты.